چاڤی لەسەر ریال مەدرید هێرشدەکاتە سەر بارسێلۆنا

Kurdistan Daily Sport

چاڤی هێرناندێز ئەستێرەی پێشووی یانەی بارسێلۆنا، هێرشی کردە سەر یانە کۆنەکەی و رایگەیاند، بارسێلۆنا خەوتووە لە کاتێکدا رکابەرەکەی نازناوە مەزنەکان دەباتەوە. 

چاڤی لە لێدوانێکیدا بۆ رۆژنامەی ئێکسپرێسی بەریتانی رایگەیاند، راستە بارسێلۆنا نازناوە نێوخۆییەکانی بردووەتەوە و باڵادەستە، بەڵام نازناوە ئەوروپییەکانیش گرنگن، ناکرێ  یانەکە خەوی لێبکەوێت و رکابەرەکەشی نازناوەکان بباتەوە. 

چاڤی روونیکردەوە، راستە ریال مەدرید بەهێزە، بەڵام شانسی یانەکە باوەڕنەکراو و شێتانەیە،  بەراستی سروشتی نییە و جادووە، لەگەڵ سانجێرمان، نەیمار پێکرا، لەگەڵ بایرن زیاتر لە نیوەی پێکهاتە پێکران، لەگەڵ لیڤەرپوول سەڵاح پێکرا، جگە لەو دوو هەڵە کوشندەیەی سڤین ئۆلریچی گۆڵپارێزی بایرن و لۆریسی گۆڵپاریزی لیڤەرپوول بەرامبەر ریال مەدرید، هەڵەکانی ناوبژیوانیش لەلایەکی دیکە، بۆیە شانسی ریال ناوازەیە. 

By : Abdulrahman Abdulla