ڕیال مەدرید پەیامێكمان بە ڕۆناڵدۆ گەیاندووە!! بزانە چییە

کریستیانۆ رۆناڵدۆی ئەستێرەی یەکەمی هەڵبژاردەی پۆرتوگال و یانەی ریال مەدرید بەشداری لە یەکەم مەشقی هەڵبژاردەکەیدا کرد، ئەمەش دوای ئەوەی لە پاش کۆتاییهاتنی وەرزی 2017-2018ـی خولە ئەوروپییەکان بۆ چەند رۆژێکی کەم پشووی وەرگرت. 

رۆناڵدۆ لە مەشقەکانی پۆرتوگال بە دڵخۆشییەوە بیندرا، یەکێك لە رۆژنامەکانی ئیسپانیا ئاماژەی بەوەکرد کە رۆناڵدۆ لەلایەن ریال مەدرید و کارگێری ئەو یانەیەوە پێی راگەیێندراوە کە ئاسوودەبێت و بیر لە هیج نەکاتەوە.

مارکای مەدریدی ئەم هەواڵەی بڵاوکردەوە و دەڵێت کە پێش ئەوەی رۆناڵدۆ بگاتە مەشقەکان لەگەڵ کارگێری یانەکەیدا قسەی کردووە و پێیان راگەیاندووە کە ئارام و لەسەرخۆبێت.

پۆرتوگال لە کۆمەڵەکەیدا هەریەکە لە هەڵبژاردەکانی، ئیسپانیا، ئێران و مەغریبی لەگەڵدایە و یەکەم یاریشی بەرامبەر ئیسپانیا دەبێت لە رۆژی 15/6 کە دووەم رۆژی مۆندیالە.