ڤاڵڤێردی /ڕاهێنەری یانەی بارسێلۆنە

ڤالڤێردی راهێنەری بەرشەلۆنە یاریەکەی بەرامبەر لیۆن بە قورس ناوبرد و ئامادەبوونی ئۆمتیتی بۆ یاریە دووپات کردەوە.

پێش ڕووبەرروبونەوەی یانەی لیۆنی فەرەنسی لە قۆناغی ١٦ ی چامپیۆنز لیگ ، ئرنستۆ ڤالڤێردی ڕاهێنەری بەرشەلۆنە ڕایگەیاند:یاریەکی قورس چاوەڕێمان دەکات بەرامبەر یانەیەک کە لە یاریگای خۆیدا ئاستێکی بەرز پێشکەش دەکەن.

ڤالڤێردی بڵاوی کردەوە :ئێمە ئێستا لە قۆناغی ١٦ ین و پێویست ناکات بیر لە قۆناغەکانی تر بکەینەوە،هەردوو یانە ماوەی چەند مانگێکە چاوەروانی ئەم یاریەن.

ڤالڤیردی وتی: ئۆمتیتی ئامادەیە بۆ یاریەکە بەلام تا ئێستا بڕیارم نەداوە بە سەرەکی یاری پێدەکەم یان نا.

وتیشی:بیر لە ماڵئاوای کردنمان ناکەمەوە لە وەرزی ڕابردوو بەرامبەر ڕۆما و ئەوە بەشێک بوو لە رابردوو.

سەرجەم لێدوانەکانی ڤالڤێردی لە کۆنفرانسە ڕۆژنامەوانیەکەدا:

ڤالڤێردی: یاریەکی قورس چاوەڕێمان دەکات بەرامبەر یانەیەک کە لە یاریگای خۆیدا ئاستێکی بەرز پێشکەش دەکەن.

ڤالڤێردی: ئێمە ئێستا لە قۆناغی ١٦ ین و پێویست ناکات بیر لە قۆناغەکانی تر بکەینەوە،هەردوو یانە ماوەی چەند مانگێکە چاوەروانی ئەم یاریەن.

ڤالڤێردی: چامپیۆنز لیگ پاڵەوانێتیەکی ئاسان نیە،ئێمە لەم وەرزەدا لە دەرەوەی یاریگای خۆمان ئەنجامی باشمان بەدەستهێناوە لەم خولەدا.

ڤالڤێردی: ئۆمتیتی ئامادەیە بۆ یاریەکە بەلام تا ئێستا بڕیارم نەداوە بە سەرەکی یاری پێدەکەم یان نا.

ڤالڤێردی: لیۆن یاریزانی زۆر باشی هەیە و گرنگی نادەن بە یانەی بەرامبەر بە شێوازی هێرش بردن یاری دەکەن یان نا .

ڤالڤێردی: بیر لە ماڵئاوای کردنمان ناکەمەوە لە وەرزی ڕابردوو بەرامبەر ڕۆما و ئەوە بەشێک بوو لە رابردوو.

ڤالڤێردی: پێوست ناکات بیر لە یاری گەرانەوە بکەینەوە، تەنها بیرمان لای یاریەکەی سێ شەممەیە.

ڤالڤێردی: یاریزانەکانم بە پەرۆشەوە چاوەڕوانی ئەم یاریە بون بۆیە هەموو هەولێک دەدەن لە پێناو بردنەوە.

ڤالڤێردی: ئێمە لە ژێر پەستانێکی زۆرداین چونکە هاندەران داوای نازناوی چامپیۆنز لیگ دەکەن.

ڤالڤێردی: ئێمە ئامادەین بۆ روبەروبونەوەی لیۆن بە هەر پێکهاتەیەکەوە یاری بکات جگە لە یاری کردنیان بە سێ بەرگریکار یان پێنج بەرگریکار.

ڤالڤێردی: یەکلانەبومەتەوە بۆ پێکهاتەی سەرەکی بۆ سێ شەممە .

ڤالڤێردی: کاتێک لویس سوارێز ئامادە دەبێت لە یاریگادا ئەوا بە دڵنیاییەوە ئێمە زرترین هەلی گۆڵ کردنمان بۆ دەرەخسێت،ئەو یاریزانێکی زیرەکە.

ABDULRAHMAN NEMO

رۆژنامه‌ی سانده‌ی تایمزی به‌ریتانی، پێشهاتێكی نوێ ئاشكرا ده‌كات كه‌ تایبه‌ته‌ به‌ نه‌یمار دا سیلڤای ئه‌ستێره‌ی به‌رازیلی یانه‌ی پاریس سانجێرمانی فه‌ره‌نسی و ده‌ڵێت "یانه‌یه‌ك مووچه‌یه‌كی خه‌یاڵی ده‌داته‌ نه‌یمار".

ئه‌و رۆژنامه‌یه‌ له‌ هه‌واڵێكی تایبه‌ت به‌خۆی، ده‌ڵێت "یانه‌ی ریال مه‌درید سووره‌ له‌سه‌ر كڕینی نه‌یمار و بۆ ئه‌و مه‌به‌سته‌ش ئاماده‌یه‌ مووچه‌یه‌كی خه‌یاڵی بداتێ بۆ ئه‌وه‌ی رازی بكات ریزه‌كانی یانه‌ی پاریس سانجێرمان جێبهێڵێت".

نه‌یمار له‌وه‌ته‌ی ریزه‌كانی یانه‌ی بارسێلۆنای ئیسپانی به‌ره‌و پاریس سانجێرمانی فه‌ره‌نسی جێهێَشتووه‌، ده‌زگاكانی راگه‌یاند باسی ئه‌وه‌ ده‌كه‌ن كه‌ په‌شیمانه‌ و ده‌یه‌وێ بچێته‌ یانه‌یه‌كی دیكه‌، به‌ڵام خۆی و باوكیشی كه‌ به‌ڕێوه‌به‌ری كاره‌كانیه‌تی هه‌میشه‌ ره‌تیان كردووه‌ته‌وه‌ ئه‌و هه‌واڵانه‌ راستبن، له‌گه‌ڵ ئه‌وه‌شدا چه‌ند یانه‌یه‌ك له‌ هه‌وڵ و ململانێدان بۆ به‌ده‌ستهێنانی تواناكانی ئه‌ستێره‌ی به‌رازیلی.

وه‌ك رۆژنامه‌ به‌ریتانییه‌كه‌ باسی ده‌كات، یانه‌ی شاهانه‌ی ئیسپانیا ئاماده‌یه‌ مووچه‌ی ساڵانه‌ی نه‌یمار بكاته‌ 47 ملیۆن پاوه‌ند، كه‌ ئێستا ئه‌و یاریزانه‌ ته‌مه‌ن 27 ساڵانه‌یه‌، بڕی 32 ملیۆن پاوه‌ند وه‌ك مووچه‌ی ساڵانه‌ له‌ یانه‌ی پاریسی وه‌رده‌گرێت. واته‌ ریال مه‌درید ئاماده‌یه‌ ساڵانه‌ بڕی 15 ملیۆن پاوه‌ند زیاتر له‌ پاریس سانجێرمان به‌ نه‌یمار بدات.

سانده‌ی تایمزی به‌ریتانی، له‌و باره‌وه‌ ده‌ڵێت "ئه‌مه‌ مووچه‌یه‌كی خه‌یاڵییه‌، بۆیه‌ زه‌حمه‌ته‌ نه‌یمار و باوكی ئه‌و ده‌رفه‌ته‌ له‌ده‌ستبده‌ن".

سێ ئه‌ستێره‌ی یانه‌ی بارسێلۆنا له‌ یارییه‌كه‌ی ئه‌مڕۆ به‌ ترسه‌وه‌ یاریی ده‌كه‌ن، كاتێك رووبه‌ڕووی ڤایادۆلید ده‌بنه‌وه‌.

ئه‌مشه‌و له‌ گه‌ڕی 24ی لالیگای ئیسپانیا بارسێلۆنا له‌سه‌ر یاریگه‌ی خۆیدا به‌رامبه‌ر یانه‌ی ڤایادۆلید یاریی ده‌كات، هه‌رسێ یاریزان ئیڤان راكیتیچ، كلیمینت لینگلیت و ئارتۆرۆ ڤیدال هه‌ڕه‌شه‌ی ئه‌وه‌یان له‌سه‌ره‌ بۆ یاریی داهاتوو به‌رامبه‌ر سێڤییا یاریی نه‌كه‌ن، ئه‌گه‌ر له‌ یارییه‌كه‌ی ئه‌مڕۆدا كارتی زه‌رد وه‌ربگرن.

رۆژنامه‌ی مۆندۆ دیپۆرتیڤۆ، كه‌ له‌ یانه‌ی بارسێلۆناوه‌ نزیكه‌، نووسیویه‌تی "ستافی مه‌شقی بارسا به‌ سه‌رۆكایه‌تی ڤالڤێردی، پێویسته‌ به‌ وریاییه‌وه‌ مامه‌ڵه‌ له‌گه‌ڵ ئه‌و سێ یاریزانه‌ بكه‌ن و هۆشداریی بده‌نه‌ یاریزانه‌كان، كه‌ كارتی زه‌رد وه‌رنه‌گرن، بۆ ئه‌وه‌ی له‌ یاریی داهاتوو به‌رامبه‌ر سێڤییا بێبه‌ش نه‌بن.

بارسێلۆنا به‌ 51 خاڵ پله‌ی یه‌كه‌می لالیگای گرتووه‌ و 6 خاڵ له‌ پێش ریال مه‌دریدی خاوه‌ن پله‌ی دووه‌مه‌.

نەیمار داسێلڤای ئەستێرەی یانەی پاریس سانجێرمان بۆ هێنانەدی خەونی جیانلویجی بوفۆنی گۆڵپارێزی یانەکەی، بەڵێنێک دەدات.

لە لێدوانێکیدا بۆ رۆژنامەی لێکیپی فەرەنسی نەیمار داسێلڤا باسی پێکانەکەی کردو گوتی، چاکبوونەوەم بەرەوپێشچوونی بەخۆیەوە بینیوە، دڵخۆشم بە ئەنجامەکانی، من زۆر بە پەرۆشم بۆ گەڕانەوەم بۆ نێو یاریگاکان، تۆپی پێ و یاریکردن خۆشەویستترین شتە لای من.

نەیمار لە درێژەی قسەکانیدا گوتی، هەندێک وا دەزانن خولی فەرەنسی ئاسانە، بەڵام وانیە لە رووی جەستەییەوە زۆر بەهێزن یاریزانەکان.

نەیمار دەڵێت، شانازییە بۆمن لەگەڵ جیانلویجی بوفۆن یاریدەکەم، ئێمە هاوکاری یەکدین و لەیەک تیمین، من بەڵێنم بەو داوە کە بە هەموو شێوەیەک هاوکاری بم بۆ ئەوەی خەونەکەی بەدی بێنم و نازاناوی چامپیۆنزلیگ بەیەکەوە ببەینەوە، نەیمار دەڵێت، کاتێک تووشی پێکان بووم بوفۆن نامەیەکی بۆ ناردم گوتی، بگەڕێوە من پێویستیم پێتە، لەبەر ئەوەیە من بوفۆنم خۆشدەوێت و بەڵێنم پێی داوە چامپیۆنزلیگ بەیەکەوە ببەینەوە.

یانەی لیڤەرپوولی ئینگلیزی رکابەری هەردوو یانەی ریال مەدرید و بارسێلۆنای ئیسپانی دەکات، بۆ ئەنجامدانی گرێبەستێکی گەورە.

رۆژنامەی بێڵدی ئەڵمانی رایگەیاندووە، لیڤەرپوول چاوی لە لوکا یوڤیچ، هێرشبەری یانەی ئینتراخت فرانکفۆرتە کە بەشێوەی خواستن لە یانەی بێنفیکاوە روویکردووەتەوە ئەو یانەیە.

سەرچاوەکە دەڵێت، لیڤەرپوول دەیەوێت لەگەڵ بەڕێوەبەری کارەکانی ئەو یاریزانە قسەبکات، بۆ ئەوەی هاوینی داهاتوو یوڤیچ بباتە ریزەکانی.

یانەی بارسێلۆنا بۆ جێگرتنەوەی لویس سوارێز، چاوی لە تواناکانی ئەو یاریزانە گەنجەیە و ئامادەیە 45 ملیۆن یۆرۆ بۆ گواستنەوەی خەرج بکات، ریال مەدریدیش بەهەمان شێوە بۆ گواستنەوەی هێرشبەرە سێربییەکە هاتووەتە سەر هێل.

لوکا یوڤیچ، لەم وەرزەی بوندێسلیگادا ئاستێکی بەرزی پێشکەشکردووە و بە تۆمارکردنی 14 گۆڵ پێشەنگی گۆڵکارانی خولەکەی گرتووە.